Stereo

2017-03-12 | Miren Gaztañaga - Talde lana
Izenburua: Stereo.
Egilea: Miren Gaztañagaren sorkuntza batetik abiatutako talde-lana.
Hitzaurrea: Uxue Alberdi.
Hitzostea: Oier Guillan.
Argitaratzailea: EHAZE-Antzerkizale elkartea.
Ezaugarriak: Antzerkia. 144 orrialde. 14×22cm.
Hizkuntza: Euskara.
Argitalpen data: 2017ko abendua.
Lizentzia: Creative commons.
ISBN: 978-84-697-7304-8
Prezioa: 15€

Stereo

Asko gustatzen zait publikoari pertsonaia nola eraikitzen dudan erakustea. Gustukoa dut beraiek ekintza honekin identifikatuta sentitzea. Azken finean egunerokotasunean gure burua eraiki eta deseraikitzen dugu, tarteka, jolas baten moduan ezta? Gure gorputza den mihisearen gainean hainbat elementu kendu eta jartzen ditugu, eta egunero jolasten dugu garen horrekin. Norberaren egunaren arabera aldatuz goaz. Dauzkagun hitzordu desberdinek, eskura dauzkagun elementuek eta gure desio eta fantasiek, besteak beste, garen hori modu batera edo bestera birsortzera edo birdisei-natzera garamatzate. Nahiz eta batzuetan behartuta sentitzen garen eta hori ez den batere atsegina izaten, transformazioak, nire ikuspegitik, plazerarekin ere dauka harreman handia. Azken finean, edonoren ispilu aurrean egunero gertatzen den errituala da, kasu batzuetan nabarmenagoa besteetan baino, baina, betiere logela eta komun guztietan gertatzen den alkimia.