KAROI jaialdian DAP eta EHAZE elkarlanean
Hasi da 2023. urteko “KAROI Debagoieneko Antzerki Jaialdia”. Honakoa Debagoieneko Antzerki Plataformak plazaratzen du urtero. Aurten, EHAZEk jaialdi hau babestu nahi izan du eta hau horrela, aurtengo egitarauan bi ekintza antolatu ditu DAPekin elkarlanean.
IKUSLE KLUBEN GIDARI izateko formakuntza
Ikusle Kluba euskal antzerkiaren bueltan publikoarekin topaguneak sortu eta antzerkiaren tripetara beste bide batzuetatik hurbiltzeko helburuarekin jaiotako proiektua da.
Bi urte daramatza martxan eta, ikasturte berriarekin batera, erronka berriak sortu dira: saioetan erabilitako ariketa eta metodologiekin gida bat sortu eta publikatzea, Ikusle Klubak sortzea testuinguru berrietan edota dagoeneko martxan direnetan erreleboa eta ezagutza transmisioa eman ahal izatea… Eta horretarako, KIDE BERRIEN BILA GABILTZA!!!
Hau lehenengo zita izango da, formazio saio irekia Ikusle Klubeko kide izateko interesa dutenentzako.
EGUNA: Azaroak 12
ORDUA: 10:00-13:00
LEKUA: Elgetako Espaloia Kafe Antzokian
IZENA EMATEKO: ikuslekluba@ehaze.eus
ANTZERKI TALDE AMATEURREN TOPAKETAK: “Zeintzuk dira gure kezkak?”
Antzerkia bazterreko artea bada, bazterraren bazterrean dago amateurismoa, eta oraindik bazterrerago euskaraz egiten bada. Bazterrean egote honek zer dakarkio antzerki talde amateur bati? Bada, euren lanak erakusteko aukera oso murriztua, behin baino gehiago egiten bada ondoko herrietan egitea asko jota, beraz, zirkuitu falta larria, taldeen arteko elkar ezagutza murritza, baliabide ekonomiko urria, eta abar luze bat.
Behar horiei erantzuteko eta aterabideen inguruan hausnartzeko (eta existitzen garela ospatzeko) egun osoko ekimena antolatu dugu.
EGUNA: Azaroak 18
ORDUA: 10:00etatik aurrera
LEKUA: Oñatiko Eltziako Topagunean.
IZENA EMATEA (Taldeka): https://forms.gle/afPyXG5SUwuRTXZE6
EGITARAUA:
10:00-10:30: Harrera
10:30-14:00:v”Zeintzuk dira gure kezkak?” antzerki talde amateurren TOPAKETA.
14:30-16:30: Talde guztiekin bazkaria.
17:00-17:50: Emanaldi sorpresa.
