Image default
Albisteak

EHAZE Durangoko Azokan

Durangoko Azoka beti izan da elkargune garrantzitsu bat antzerkizaleon sarea aktibatzeko eta EHAZEren esku dagoen liburu katalogoa eskura jartzeko, titulurik zaharrenak zein berrienak. Tamalez, aurrez-aurreko gunerik gabe, aurten ez da hala izango. Hori dela eta, ohiko katalogoa ez da azokako denda birtualean eskuragarri egongo; bai, ordea, Susarekin batera plazaratzen dugun GANBILA bildumako tituluak.

EHAZEtik egoki iruditu zaigu, ordea, ekitaldietako parte hartzeari eustea: Landako gunean publiko apur bat onartu duen ekitaldi sorta egingo da, eta zuzenean emitituko dira saiook. Jarraian dituzuen hauetan parte hartuko dugu:

-ABENDUAK 5, 19:00. Mahai-ingurua: “Zergatik da zuzeneko kultura ordezkaezina?” Parte hartzaileak: Amancay Gaztañaga, Miriam Romatet, Shakti Olaizola. Moderatzailea: Matxalen de Pedro.
Antolatzaileak: San Agustin antzokia eta EHAZE (Szenatokia).Ikus hitzordua HEMEN.


-ABENDUAK 7, 19:00. Irakurketa dramatizatua: “HITZPILU GANBILA: irakurketa dramatizatua”. Ahotsak: Karrika antzerki taldea. Zuzendaria: Patricia Urrutia. Edukia: Ganbila antzerki bildumako 9 liburuetako testuen irakurketa.
Antolatzaileak: San Agustin antzokia, Karrika antzerki taldea eta EHAZE (Szenatokia).Ikus hitzordua HEMEN.

-ABENDUAK 8, 14:00. GANBILA bildumako hirugarren labealdiaren aurkezpena. Parte hartzaileak: Erika Olaizola (Panpina), Arantzazu Fernandez (Sarah Kaneren itzulpena), Agurtzane Intxaurraga (Bidaideak).
Ikus hitzordua HEMEN.

Erlazionatuak

EHAZEn lanean jarraitzen dugu, euskal antzerkiko ahotsak zabaltzen

Admin

EHAZE bildumako azken liburuen aurkezpena Kafe Antzokian

Admin

KARANBOLA HIRUKOITZA liburua osorik sarean

Admin

Iruzkina egin